Gure aitona-amonen eskola ezagutu!

Bisita hau guztiz sentsoriala eta bisuala da. Egurrezko ikasmahaietan orduko materiala aurkituko duzue: pizarratxoak, tintontziak, lumak, liburuak eta garaiko bestelako materialak. Bisitak gure haurtzarora eramango gaitu eta orduko disziplina gure azalean sentituko dugu. Ikastetxe honetako ikasle bihurriena ezagutuko dugu, Txomin, beti  txokoan zigortuta dagoena eta janzten duen arropari arreta eskainiko diogu. Bukatzeko, garai hartako jolas nagusiak ezagutuko ditugu: arkumeen hezurrak diren tortolosen jolasa ikasiko dugu, txapak, kanikak, kromoak eta igelaren jokoa. Bisitarien parte hartzea bultzatuko dugu, beraien esperientziak partekatzeko aukera izango dute!