Norentzat da Gertu Kultura Gipuzkoa

Gizarte-entitate eta -zerbitzuen bidez, kalteberatasun-egoeran dauden pertsonak ditugu helburu.   

Gertu Kulturan gizarte-ekintzako profesionalek ikuskizun eta erakusketetarako sarrerak erosi ahal dituzue, zuen zentroetako erabiltzaileekin kultura-irteerak egiteko. Gipuzkoako antzoki, auditorio, museo eta jaialdi nagusien ohiko programazioaz gozatzeko aukera izango duzue.
 

Hauek dira Gertu Kulturan parte hartzeko baldintzak:

1. Legez eratutako gizarte-zerbitzua edo -entitatea izatea (gizarte-zentroa, fundazioa, elkartea, udala…).    
2. Kalteberatasun-egoeran dauden pertsonekin lan egitea.  
3. Lan-alorrak prebentzioa edo zuzeneko esku-hartzea izatea. 
4. Gizarte-helburuko erakunde publiko edo pribatu baten dirulaguntza edo laguntza jasotzea.  
5. Programaren baldintzak betetzeko konpromisoa hartzea

Gertu Kultura da artea, antzerkia, dantza, musika…

Aparteko kultura-eskaintza da, kalteberatasun-egoeran dauden pertsonekin lan egiten duten gizarte-zerbitzu eta -entitateei zuzenduta.

Zein kolektibo ditugu xede

• Desgaitasun intelektuala dutenak: zentro okupazionalak, terapia okupazionaleko zerbitzuak, egoitzak… *
• Gaixotasun mental baten ondoriozko gizarte-problematika duten pertsonak: eguneko zentroak, gizarte-elkarteak, komunitate-errehabilitazioko zerbitzuak… 
• Autismoaren Espektroko Nahasmendua dutenak. 
• Desgaitasun fisikoa, entzutekoa edo ikustekoa izan eta kalteberatasun-egoeran daudenak.
• Adineko pertsonak: egoitzak, eguneko zentroak, isolamenduaren aurkako programak, inklusio sozialeko programak…  
• Adikziodunak.  
• Askatasuna kendu dieten pertsonak. 
• Migratzaileak, errefuxiatuak eta gutxiengo etnikoko pertsonak.
• Kalteberatasun-egoeran dauden LGTBI kolektiboko pertsonak. 
• Haurrak eta nerabeak:  CRAE eta zentro irekiak… 
• Emakumeak: genero-indarkeria eta kalteberatasuna. 
• Etxegabeak- 
• Gizarte-bazterketa arriskuan daudenak: harrera-zentroak, gizarte-zerbitzuetako zentroak…

Eta baita:

• Osasunaren alorreko entitateak. 
• Sindrome edo gaixotasunei lotutako senide-elkarteak. 

 Gizarte-entitateak izena eman ondoren, tarifa bat emango dizuegu, zentroaren ezaugarrien arabera.
 

Gertu Kultura ez dago eskola bereziei zuzenduta, Hezkuntza Sailaren eskaintza jasotzen badute. TVA eta PFI taldeek parte har dezakete programan.

Legeak aitortutako desgaitasunen bat duzu baina ez zara elkarte edo zerbitzu bateko kide?

Gogoratu Lan eta Enplegu Sailaren desgaitasunaren egiaztagiriaren abantailak jaso ditzakezula.