Narriadura kognitiboa duten pertsonentzako bisita gidatua

Alzheimer gaixotasun neurodegeneratiboa da, eta hura pairatzen duten pertsonen memoria, pentsamendua eta portaeran eragiten du. Testuinguru honetan, jarduera ludiko eta kulturalek funtsezko eginkizuna izan dezakete Alzheimerra duten pertsonen bizi-kalitatean. Gertu Kultura programarekin eta Euskadiko museo desberdinekin lankidetzan, Alzheimer edo narriadura kognitiboaren lehen faseak bizi dituzten pertsonen behar eta gaitasunetara egokitutako bisita gidatua diseinatu dugu.

Esperientzia kultural eta estimulagarri bat eskaini nahi dugu, parte-hartzaileen behar eta gaitasunetara egokituta. Bisita hau Alzheimerra duten pertsonek artearen eta historiaren edertasunaz modu ulergarri eta eskuragarrian gozatzeko gune seguru eta atsegina eskaintzeko pentsatuta dago.

Museoa horrela diseinatuta dago: bisitariak jabetzen dira txotxongiloen munduko sekretu eta altxor magikoak gordetzen, babesten, ikertzen eta erakusten dituen toki batera datozela. Bisita joko gisa planteatzen da, jakin-mina eta konplizitatea ezinbestekoak diren deskubrimendu bat bezala.

Gainera, TOPICek aldi baterako erakusketetarako gune bat du, non, gai monografikoen bidez, txotxongiloen unibertsoari buruzko alderdi bereziak ikusarazteko leiho berriak zabaltzen dizkigun, beti harritzeko asmoz.