MA: Museoak eta Alzheimerra. Zumalakarregi museoa. "Tomas eta Pankrazia: 19. mendeko bikotea"

Museoa eta bere erakusketa iraunkorra ezagutzeko bisita egokitua, Alzheimerra eta bestelako dementziak hasierako etapan edo moderatuak dituzten pertsonei zuzenduta, parte-hartzaileen, hezitzaileen, zaintzaileen, senideen eta erakundearen beraren ongizate kognitiboan eta emozionalean oinarritutako esperientziaren bidez.

Bisitaren helburua kultur ingurune malguaz gozatzea da, baita taldearen beharrei erantzuna ematen dien harreraz eta tratuaz ere. 

Elkarrekin, “Tomas eta Pankrazia: 19. mendeko bikotea”  ezagutuko dugu, antzinako eguneroko objektuen bidez, garai horretako historiaren zertzeladak testuinguru historikoan.

Hartu eta ukituko ditugun eguneroko objektu horiek (bainikak eta brodatuak dituzten izarak, orraziak, idazlumak, dokumentuen faksimileak, txapelak, ubeldurak...), batzuk itsu-itsuan, zentzumen-estimuluetara, oroitzapen pertsonaletara eta sentimenduetara iristeko bidea izango dira, Alzheimerra duten pertsonei emozio positiboak gogora ekartzeko aukera emango dien konexio emozionala sortuz.

Jarduera asteartetik ostiralera izaten da, eta gehienez 10 pertsonako taldeentzat eta zaintzaileentzat antolatzen da, behar diren denborekin, elkarrizketekin eta etenaldiekin kalitatezko kultura-esperientzia abegikorra eskaini ahal izateko.